Hmatiang hun thlira lungmuanga kan awm laiin,
Cho loh hripui hrangin khuavel a nghawr nghing a;
Lungngai, mangang au thawm karah thlamuantu aw kan lo hre ta,
“Hlau suh u, kei ka awm e” Lalpan a ti.
Amah chu kan inhumhimna leh kan chakna,
Mangan laia tanpui vartu hnai reng a ni;
Thlipuite lo hrangin tuipui fawn vel mahse,
An nghing lovang Isua neitu ringtute chu.
Lei ropuina leh hmingthanna karah hian aw,
Belhtlak, rintlak, innghahna tlak reng a awm lo;
Khawvel finna leh thiamna ten min pe thei lo nun hlimna chu,
Beidawnna leh lungngaihna mai a lo ni.
Harsatna chhumpui zing hnuaiah kan len laiin,
Beiseina nung nei reng tura chunglam thlirin;
Van malsawmna dil chung zelin tlawmna puan sina thingthiin,
Hawh teh u, Lalpa hmaah i kun ang u.
