Lalpa, i hnathawh hi,
Rawn tiharh fo vang che;
I tirhkohten i theihnain,
Khawvel chhandam rawh se.
I hnathawh tiharh rawh,
Tunah kan ngen a che;
Aw Lalpa, Nangin min pawl la,
Mal min sawm sak ang che.
Lalpa, i hnathawhah,
I hming tiropui la;
Mi thinlungah i hmangaihna,
Rawn chhem alh fo vang che.
Lalpa, i hnathawh hian,
I thu malsawmsak la;
A thianghlimzia leh a felna,
Hriat fiah theihna turin.
Lalpa, i hnathawhah,
Malsawm ruah surtir la;
Ropuina hi Nangma tan chauh,
Keini tan malsawmna.
