Tah lai bang rawh, hlim hla sa la,
Leng zawngte saw han thlir teh le,
Kawtthler lunah pungkhawm mipui,
Vei nei lo ianga leng sakhmel nui hiau zawngte saw,
Pindan rila tap ve fo an ni.
Nangmah maiin i tap lo ve,
Nangmah maiin i lungngai lo ve,
I tah ruala tap thin leh i lungngaihna tawmpuitu,
Thiantha i nei e, Isua kha,
I mittui vangin a puan hmawr a huh.
Kal lai siam rawh, hnung tawlh suh la,
Hnehna hlado han chham teh le;
Tlang sang chhawl mah thlipui, ruahpui,
Hrang karah par chhuahin than reng an thulh ngai lo ve,
Pheilai khai rawh le, hnehna rawl chhuahin.
