Thlaler hmun khawharah ka nun chau vin a rum,
Tanpuitu ngaiin a au fo thin;
Thlamuantu, khawngaihtu, Lal Isua a lo lang a,
Ka nun riangvai, rethei, a thlamuang thin.
Eng pawh thleng se, ka lungawi ang,
Chhandamtu, i kiangah ka awm phawt chuan;
Khawvel hrehawm Setan rallian lo hrang thin mahse,
Hneh theih loh nun ka nei, i ta ka ni.
Harsatna hringnunah a lo thlen chang te hian,
Hlimna ka chan lai aiin ka hnaih zawk che;
Harsatna ka dil lo che, mahse, aw ka Lal Isu,
Engkim hi i thu ang ni zel rawh se.
Thihna lui piah lamah ka nun thuhruk a ni,
Khawvel buaina te’n min chim buai tawh lo’ng,
Mahse, zanthim hnuaiah ka kal thiam lo keimah chuan,
Aw Isu, min kai la, ka hma hruai rawh.
