An tan a vul si lo

Phuahtu: Manase H. Saphmingthanga Satu: The Leprosy Mission Choir Raltiang ram saw ka thlir a, Riltam, tuihal, mangang a vakvai te saw; Tual an leng e lei hrehawmah, An tan khuavel par ang a chuai. Thlir ve te u riangvai te saw, Hmangaitu reng her lovin an bo mek e; An damlai ni kawlah a liam hma hian, Tunge hrilh ang hmangaihna chanchin mawi? A vul ve si lo an tan leimawina tinreng, Boralna thimah an la leng si; Hmangaihtu aw hriat chakin an thlir, Nang leh kei min au asin, Tunge an tan kal ang? Keini chhandam fate  hian, Kan puanin zauh a sir sawn zelin; Lalpa hmangaihte lam i thlir ang, An tan malsawmna thlentu ni zelin. Chatuan rammawi kan thlen hun chuan, Riangvaite nen Lalpa chu fakin; Hlim takin chhandamtu kiangah, Chatuan hla mawi kan rem tawh ang.