Angelte lenna

Mitdel kan awm thin hringfa zingah, Thil siam mawina engmah reng hmu lo vin; Kawng chhuk chhovah tanpuitu kan ngai e, Mahse, lawmna thuruk Lal Isuan min pe. Lenrual lungduhte kimna khawpui mawiah, Aw, hun lawmawm leh nuam a lo thleng thuai dawn; Lal Isua chawimawiin fak hla kan sa ang, Mitdel awm tawh lohna ram Angelte lennaah. Ke bai, piangsualte kan awm bawk thin, Rualban zo lo, tanpui ngai kan tam si; Van nuamah chuan hlim takin kan leng ang, Lunghlu kawngkhar ropui an hawn hunah chuan. Tar chak lote leh phurrit phurte, Khawvelah hian lungngaiin ka rum thin; Lei hrehawm hi chhuahsan ka nghakhlel, Min kohna aw mawi chuan "Lo kal rawh," an ti. Lenrual lungduhte kimna khawpui mawiah, Aw, hun lawmawm leh nuam a lo thleng thuai dawn; Lal Isua chawimawiin fak hla kan sa ang, Chatuanin kan cheng dawn si Angelte lennaah.