Aw khawiah nge i awm

Phuahtu: Lalringa Fur khawthiang (Thal favang) zan tlai nemah, Suihlunglenin khua ka hawi vel a; Ka tawng lo a riang val thinlai min hnemtu. Aw, khawiah nge i awm? Saisen a riang thinlai min hnemtu; Auh ruai ruai ka nuam mang e, aw, valrianga'n. Aw, ka lenrual duhte u, Min dawnpui r'u ka suihlunglen hi; Suihlungleng hian val ka la fam mai awm e. Berhvate lungmawl mah khi, Hal lote'n di nen an leng za thin; Kei ka tan suihlunglen biahzai min hlan rawh. Chhawrthlapui a lo enin, Run in sumtual chhawrthlapui hnuaiah; Ka hawi vel ka tawng si lo, aw, valrianga'n. Ka han thlira thangvan khi, Siar lungrualte an leng za a; Kei ka tan tap ruai ruaia tlaini lenna.