Aw Lalpa lungngaiin ka khat thin

Phuahtu: Laibata Satu: Biakchhawni, Thartea, Art & Culture Dept Zaipawl, Bethsy Lalrinsangi, RTC Lalduhawmi, Lalthlengliani Jongte, Zomuanpuia Vanchhawng, Lalbiaktluangi Aw Lalpa, lungngaiin ka khat thin, Vanduainate'n min hual vel a; Tah leh rumna thlalerah hian, Mittui nen ka rawn zawng ve a che. Aw, ka Lalpa, ka mangan zawng zawng hi, I kutah ka kawl tir a che; Nang lungngai fate hnemtu chuan, Kei pawh min lo hnem ve ang che. Aw Lalpa, ka lungngaihna hnemtu, Nang lo chu laina ka nei lo; Tu hnen dang nge ka rawn pan ang? Nang chauh ka hmangaitu i ni e. Lungngaih chhumpui ka tan a zing thin, Lal Davida himna kulhpui; Kei pawh min hliahkhuh ve ta che, Sual riangvai fa ka lo kal ve e. Hmanah Kanaan ram dung leh vangah, Lungngai fate i hnem thin a; Rethei fate'n i hmel an lawm, Kei pawh ka lawmna ber i ni e.