Berampute beram venga zana an thut laiin

Phuahtu: Nahum Tate Lettu: Rev. R. Dala Satu: Dawrpui Junior KTP 2011 Berampute beram venga, Zana an thut khawmin, Lan tirhkoh ropui lo chhukin, An vel a rawn en a. Anni hlauva an khurh laiin, “Hlau lovin ngai rawh u; Chanchin Tha leh lawm tlak em em, Mi tin tan ka rawn thlen,” “Chhandamtu, Lalpa Krista kha, Davida thlah zingah Vawiinah hian a lo piang ta,” Tiin a lo au va. Chu veleh Lal Pathian faka, Lawmna hla chu sain, Van mi thianghlim an lo chhuk a, Lalpa Pathian fakin. “Lalpa tan ropuina awm se, Lei chunga a lawmte Mihring tan remna leng sela,” Tiin an aupui a. Fapa kan beisei bera kha, Tunah a lo piang ta; Lei leh vanah a lal reng ang, Hnam tinin an bia ang. A hming - Maka, Remruattua, Rem Lal, Pathian chaka; Chatuan Pa, Lal lian a ni ang, Chatuanin an fak ang. A thiltihtheihna a pung ang, A lo darh zau zel ang; A rorel a kin tawh lo vang, Leiah rem leng sela.