Chunnu lungmawl ka di parte

Chunnu lungmawl ka di parte, Ka then dawn nang vangin; Khuarei suihlunglen i dawn lawm ni? I hraichawi chhawl ang hian ka uai reng mai. Inthen ang zankhua a rei ta e, Tlaimah var ila kan inning chuang lo'ng e; Suihlung a leng sei thlawn e. Chung muvanlai a lo leng duai duai, A lungdi auvin; A her zel a, a her sang zel a, A lungdi a au dawn e thangvanah. Chun leh zua hal vanga parte, Kan inthen mai tur hi; Senlai nau ang tlei a har em mai, I ngai  hian chhawl ang ka uai nileng e. Min lo nghak la aitenawni, Kan chhuah tlang phei duaiah; Tlang tluanin lunglen i hril dun ang, Nang ngai hian tah lai ka bang thei rih lo.