Dam lai hringnun ka dawn chângin

Phuahtu: Lalsangzuali Sailo   Dam lai hringnun ka dawn chângin, Lungngaih tahna mai a ni; Chi tin, hnam tin lenna ram hi, Reilotea’n a ral dawn si. Chatuan ram mawi ka thlen hunin, Lungngaih, tahna a bo vang; Tlansate nen hlim tawp lovin, Chhandamtu chu kan fak ning lo’ng. Awmlai vei leh lusun fate, Beidawng, mangang au thawm nen; Lenlai par tlan zaleng zawng pawh, Chatuan daih tur reng ka hre lo. Lei hringnun hi ka pelh hunin, Ka ngai lo’ng he khawvel hi; Chhandamtu hmel ka hmu ang a. Lungduh lenrual then hnute nen.