Dawn chiang rawh

Phuahtu: Hluankungi Satu: Krosschhuangi Aw, hmangaihna ka tuar zo dawn ne maw, Kei ka tuaran ana lua e; Chhawrthlapui ianga sakhmelmawi mi u, Piang lo zawk la ka tan a tha awm e. Chhawrthlapui ianga sakhmelmawi bera, Lem ang der thiam duh thing leng lerh vala, I thlang sual palh ang e dawn rawh hmeltha, Dawn chiang rawh, aw, i thlang sual palh ang e. Aw, lungngaihna min thlentu hmangaihna, Dawn lem nei lo val tawn reng zawng; Dawn a tam ngei e leng zawngten dawn ru, Sam ang then zai ka rel ve thei si lo. Lengdang tawnah vul mai lo la vala, Dawn ve teh hmangaih biahthu di; Kan tiam zawng kha, aw, lung i chhir lo'ng maw? Lam ang letin lo kir hram ang che aw. Ka tah ni reng a tam ngei e lungrung, Aw, hmangaihna pianpui ve si; Khawvel tawp thlengin ka zawng zel dawn che, Min lo nghak hram rawh, aw ka di lenmawi. Vanhnuai sakhming chhiarin hrutin zawng mahla, Kei aia hmangaihtu leh dawhtheitu, I tawng hlei lo'ng e hringmi zawng zingah, Dawn chiang rawh aw i thlang sual palh ang e.