Din thar leh ang

Phuahtu: Lianthangpuia Suihlunglen a zual e tawnni hian, I dam thin maw tawn loh ni zawng khan; Khuanu leng zarah damtein maw bawihte, Dar ang tawnni a her chhuak, Aw, thinlai a hlim ngei e. Kar hlaa kan len chhung zawng khan e, Kei zawng nang ngai reng rneg hian maw; Chhunni, zankhua chu ka lo hmang ral thin a, Ban zai reng reng ka rel thei lo, Nang ngaia suihlunglen. Min hlan ve rawh, i hmangaih biahthu, Dawn ka nuam ngei suihlungruk dam nan; Min dem lo la min ngaithiam rawh aw, mampui, Sam ang inthen tawh mah ila, Ka hmangaih ber che, lungrunpui. Aw le, tunah intawng lehin maw, Nunhluizawng i din thar leh ang aw; Tlang dang thin mahse rinawm takin, bawihte, Kara hmelma hnawl zelin, Run hmun len zai i rel ang.