Din thar leh nan

Phuahtu: C Zoramliana Satu: H Lalmuankimi, Jaui Hranghlui fam ta ten, Ram leh hnam tha min hlan a; Thang leh thar lungmawl vangin, Zo nun kung a uai zo ta. Ram kal siamtute'n, Zofaleng zawng lung dam nan; Hmatiang sawn kal lai relin, Mal tin sawm chang fo teh se. Khuanu leng, zahngaihna kan ngen che, Sual ral lian min hneh tir zel La; Ram leh hnam lo din thar leh nan. Zofaleng lungduhte, Insela khua tlai lo hian; Duhsaka inlainatin, Rem leng se kan ramah hian. Chinlai rual duhte, Tlang leh mual dang chuang mah se; Chhingkhual chan an mawi nem maw, Zo nun par han thliak teh se. Hei ang hun lawmawm hruai thlena kan lo awm hian, Duhsaka sang ber kan hlan a che; Mi tin tan remna eng mawi hruaitu arsi lo chang se, Keini zofaleng tan malsawmna lo ni se.