Duhsak hlawh loh Lal riangvaipa

Phuahtu: Lalpianhuni Satu: Lalnu Esther Khawvelah Lal hmangaihtu an awm em? Lalpa hmangaihtu khawvelah an awm lo; Lal hmangaihtu i inti maw? Mahni inbum mai i ni. Duhsak hlawh loh Lal riangvaipa saw, Hringmi inah mawina reng nei lo pa saw; Hmana an hril Buizo sakhmel a iang e. Hmutute chuan a chhiat zia an sawi a, Hre lotu tan Lal tih rual a ni lo ve; A retheih zia sawi rual loh, Tumahin an rem thei lo. Lalpa hmangaihtuah ka inngai a, Hmangaihtu aiin hnartu ka lo ni si; Khuallian thlen ka tum laiin, Rethei takin a lang si. Hringnun ramah ka han thlir chang ni hian, Rukru, dawt hmang, uire thuama inbel a; Kutdawh rethei puan a sin, Ka run chhung lawi ka phal lo. Hmangaihtu thil ka lo pek ve dan chu, Phar thilpek ang hla takah ka va hlan a; Lam ang a lo let leh a, Hlau vin ka lo hnar leh si. Lalpa, i hmel a mak em, ka lo hai che, Ka zawn dan che angin i lang ngai si lo; Fel takin ka zawng che a, Fel lo takin i lang si.