Eden hlui hi kan hnuchhawn ram a ni

Phuahtu: CZ Huala Satu: Ngurchhhandinga leh a pawlte, F Rohlupuii, R Zadawla leh a pawlte Eden hlui hi kan hnuchhawn ram a ni, Nitin hma lam kan thlir fo thin; Buaina chhum hi kiangin a mawi  rih lo, Tapa tlai nilen a awl mang e. Aw, Eden thar ka ngai em a che, Chhun nitinin rinin ka han thlir che; Aw, hmana ka lenrual hlui kal tate zawng. Sih nau ang nuizain ka hmu. Awmhar ka tah ni hian thlir vel ila, Buaina chhum piah ram lo lang saw; A va mawi em, lungduhte tual lenna, Lal Imanuel ram a ni. Khawvelah hian hlun chhung reng an awm lo, Tapin lungduh kan then fo thin; Eden thar tual laia lengte zawng chuan, An tah lai nau ang an nui leh ta. Ngai mah ila i ram thlen hma hi zawng, Ka tah nan khua a sei lua e; I buatsaih ram thianghlim min thlen ve la, Tah lai hi puan ang ka bang tawh ang.