Emau kawng dai reh

Emau kawng dai reh leh khawhar takah, Khualzin pahnihte khawhara an kal laiin; Tlai khua lo ngui zan thimin a nang dawn a, Isua an sawm tlaikhua varpui turin. Kan hnenah awm ta che, khua a tlai dawn ta e, Tlaini kawlah a liam dawn hi; Tlaikhua i var za ang, Emau dai rehah hian, Chhun ni a liam zan thimin min nang si. Sawmtute hnar ngai lo Lal Isua chuan, Tichuan, an hnenah chengin a awm pui ta a; Thlamuanna reh thei tawh lo chu hnutchhiahin, An zingah chengin a awmpui ta a. Kei pawh tunah ka sawm che Lal Isua, Ka khawvel damlai ni a tlak hma ngei hianin; Min awmpuiin tlaikhua min varpui ve la, Ka thlarau lo nghak rawh i Lal Isua.