En rawh chhum zingah a lo kal

En rawh, chhum zingah a lo kal, Mi sual tana thi hnu kha; Mi thianghlim tam takin an zui, A hnehna ropui nen khan. Haleluia! Rorel turin a lo kal. Ropui rapthlaka inthuamin, Mi tinin an hmu ngei ang; Eng mah lova amah hralhtu, Leh thinga khengbettuten, Lungngai tawpin, Lal Krista chu an hmu ang. Tawtawrawt a lo rik hun chuan, Lei leh van an tlan bo vang; Mi tin, amah haitu zawng chuan, Koh luihna ri an hria ang. Rorelnaah 'Lo kal thuai r'u,' an ti ang. Chhandamna kan beisei fo kha, En rawh, tunah a lang ta; Mi thianghlim, mite duh loh khan, Boruaka an han hmuak ang. Haleluia! En rawh, tlanna a lang ta. Amen, mi tinin an fak che, I lalthutthleng hmaah khian; Lalpa, ropuina chu chang la, Ram zawng zawng i ta ni se. Lo kal thuai rawh, Kan lawm hle ang, lo kal la.