Endi chim loh

Phuahtu: C Sailung Satu: Johan H Lalmalsawma Chhingmit lenin ka hawi vel a, Endi chim loh dar zam sakhmel; Zaleng cho loh dar ang ka tawng, Khua ruat zai hla pianna tur rengin. Lui dung chinrang ianga hmeltha, Thangte, I pianhmang mawina leh i zeiziain; Zai tuahrem min rel tir e, Zaiin ka chawi a che, endi chim loh. Dar ang thangchhuak la zua karah, A fanuin a nu a chhun; Nu siar, nu sia an lo ti chul, Nang ang chunnu iang an awm ngai maw e. A mi zaleng hei zawng zingah, Nuntluang zemawi par fung chawiin; Chinlai unau lengtin chhawn thiam, I pianzia reng lung a dum ngei e.