Engkima ka Lalpa

Khawvelah hian riangvai, chanhaiin ka awm a, Rethei leh saruak mai niin ka inngai a; Ka sual vanga Lalpa tuarna ka han thlir chuan, Sawi ngam rual a ni lo aw a tawrhna nat zia saw. Ka engkima engkim i lo ni Lalpa, Ka chung leh hnuai lamahte min hual vel ; Ka ding leh veiah hian nang i lo awm si, Ka engkima engkim i lo ni Lalpa. Ka hnuai lam ka enin ranthlengah i zal a, Ka chung lam ka en leh i lalthuthleng ka hmu, Ka sir lam ka enin i tuarna ka hmu a, Ka hma lam ka thlir leh beiseina engmawi ka hmu. Lalpa tuarna pela tuar tumah an awm lo, A ropuina chungah ropui an awmhek lo; Nangmah vanga kan hamthatna hi, aw Lalpa, Ka ngaihtuah chang hian aw zaivawr lo thei ka ni lo.