Finna ro zawng zawng

Finna ro zawng zawng thuhrukna Krista chu, Fak leh chawimawina i hlan ang u; Min hmangaihna ropui zia sawifiah nan, Chatuan pawh hi a tawi awm e. Thilsiam tinreng hi an la chuai ang, Leilung ngei pawh hi puan angin a la zial dawn; Awm zawng zawng an ral vek hunah chuan, AWMA chu a chiang hle tawh ang. Thi leh tur lei taksaa kan cham lai hian, Chatuan Lal fa nihna min pe a; Remruattu Maka hi a va mak em! Leilung hi lawmin au rawh se. Ngaihdam dil chung zelin Isua kan zui a, A lawm zawng kan tihsak ngai si lo; Heti chung chung hian min ngaidam zel a, Hmangaihna mak tak a ni e. Khawvel tukverh atangin min hmu fiah lo, Tu tak nge kan nih an hre hek lo; Min hruai tur Lal fapa lo lan ni chuan, Khawvelin min hre chiang tawh ang.