Hmangaih vang maw?

Lungrilah chiang te'n ka dawnin, Sual hrenga tang tlanchhuak tura; Van khawpui naunawn vullai chu, Lei sual run thim a lo lawi le. Doral tawnin saisen teta, Zin kawng rapthlak i lo zawh maw? An sel thingrem siamtu fapa, Kei ka tan hian i hlu ber e. Khawngaihna thuk, hmangaihna luangliam, Ka hril seng lo, ka dawn seng lo; I nun i hlan ka nun tlan nan, Ka fak a che, aw, ka Lal duhawm. Hringun zin kawng i zawh lai ni te khan, Hlim ni kawl reng i tawng si lo; Sakhaw Puithiam leh hotu te'n, Sual phurhhlan belin demna lung an chawi. Tawng ve ila i hringchan ni te, Ka chak ber i kianga tlaini len; I kamchhuak khawngaih thu hlu, Ngaih ka ning lo'ng ka tan damna.