Hmangaihna kawrawng

Di, ka thinlung zawng zawng i neih vang hian, I lakah ka rilru a no thin a; I kam khat pawh ka tan natna thlen theitu, Ka thinlung damna pawh i kamchhuak tho an ni. Hmangaihna kawrawng mai min tiam lo la, He ka thinlung no hian a tuar zo lo'ng; Hmangaihna dik tak zawk min hlan lul la, Ka di, ka duat, ka thian, i ta chauh ka ni. Di, i thinlung zawng zawng hi nei ila, Ka rinawmna a letah ka tiam ang che; Hun liamin kan taksa danglam mahse, Ka hmangaihna che erawh a danglam ngai dawn lo. Di, hmangaihna hi hlimna chauh a ni lo vang, Thli leh ruahin min nuai thuai ang; Nuam leh hrehawmah, bawrhsawm leh retheih pawhin, Ka hmangaih reng ang che, kumkhuain.