I hlu ber ka tan

Phuahtu: R Lalremruata (Pa Rema) Satu:  Maggie Malsawmzuali, TBZ Choir (2022-24) Sualna reng nei lo hmangaihtu Lal Isua, Mi sual ber thihna kraws chu a phur ta; Rinawm leh nghet takin hliam na tak tuar chungin, Chauh leh nat reng reng a sawi mawlh si lo. Hmuhsit leh sawichhiat, endawnna karah pawh, Hmangaihtu'n ka tan kraws rit tak mai chu; Chau vin tluk pui mahse thlah zai a rel lo, Ka dam nan Kalvari tlang chu a thleng ta. Khawngaihna, nunna, ka sual faina kraws, Ka damna, ka mawina kraws chu; Thihna hnehna, ka thiamchanna kraws, Ka Lal kraws, i hlu ber ka tan. Chhandamtu'n thihna a hnehna kraws ngei chu, Anchhedawng, endawng, hmuhsit ni mahse; Kei ka tan erawh zawng kraws mawi ber a ni si, Ka chawisang zel ang, ka chhuang zel ang che. Khawngaihna, nunna, ka sual faina kraws, Ka damna, ka mawina kraws chu; Thihna hnehna, ka thiamchanna kraws, Ka Lal kraws, i hlu ber ka tan, Thihna hnehna, ka thiamchanna kraws, Ka Lal kraws, i hlu ber ka tan, Ka Lal kraws, i hlu ber ka tan.