I pen zel ang

Khuavel ram zau thlirin finna a sang zel, Zofa leng zawng te, i harh ang u; Kan hun hlu neih zawng te hmang tha zelin, Hmatiang sawn zai i rel ang u. Hma lam pan zel ila, a tha chauh zawmin, Harsatna buaina karah pawh i bei zel ang, Zaleng zawng te'n. Pi pu te rohlu tlawmngaihna chhawm zelin, Thiamna, finna, felna kawng tinrengah; Zofa leng rual zawng te u, lungrualin, Raltiang panna lamtluang zawhin. Beidawnna leh harsatna lo thleng mahse, I pen zel ang rinawm, dikna nen; Chung Khuanu'n mal tin min sawm zel ang a, Kan nun ti mawi zualtu atan.