Isua lo kal lehna

Isua lo kal lehna chhinchhiahna zawngte leh, Pathian zawlnei hrilhlawknate an thleng; Kan Lal Isua ngei khan ropuina zam velah, Mi thianghlimte a rawn lawr thuai dawn e, Aw Isu, Amen lo kal ta che, Thawkrimte tan chawlhna nuam thleng thuai se; Kan nghakhlel, Amen lo kal ta che, Hmangaihte nen kan intawk leh dawn si. Vana chhinchhiahnate an lo thleng famkim a, Ni thim, thla thim, van arsite tla-in; Kan Lalber hmaah hian van leh lei an tlanbo, Lalpa lo kal lehna a thleng dawn ta. Khawvel a buai zo ta, buaina a zual zel ang, Indona, ṭam, hri lengte pung zelin; Mihring sualna a pung, duham hmasialna nen, Lalpa lo kal lehna a thleng dawn ta. He ram chanchinṭha hi khawvel ram hmun tinah, Puandarh zawh hi kan hmabak a ni e; Inpumpekna neiin, ṭhahnem ngaia thawkin, Khawngaihna khar hmain, zo thuai ang u.