Judai ram Bethlehemah

Phuahtu: Rokunga Satu: K. Lalnunsiami, T. Lalengzauva Judai ram Bethlehem-ah, Lal thar a lo piang a, Amah fakin van miten, Hla mawi ropui an rawn sa; "Chungnung berah Pathian chu, Ropui takin awm rawh se, Lei chunga mihring hnenah, Rem leng rawh se," Tia Angel-ho zai chu, Thinlaiah a cham reng e. A lawmin Lal arsi pawh, Thangvanah lo eng e; Mi fingten rawn zui zelin, Lal thar chibai an buk e. Mahse, lei lal Heroda'n, Amah tihboral tumin, Nauseng zawng zawng a rawt a, A rapthlak e, Nimahse, Chungnung kutin, Tihnat a phal lo ve. Aw, Nang, hnam tin Lal ropui, Kan tawngtai ngaithla la; Kan hnenah awm ve ta che, Khua pawh a tlai dawn tawh e, Tin, i hmel eng kan enin, Lawm lo tu nge awm thei ang? "Kan zingah Pathian ropui, A lo cheng ta, Leilung lawmin a khat e," Tiin kan zai tawh ang.