Ka chun fam chang hnu

Phuahtu: H.D Lalthanpari Satu: H.D Lalthanpari Aw, ka lunglai zawng a na ngei e, Vanduai ka tan tahna ti sei tur reng an; A herchhuah pui chung turni khian maw, Ka chun nunnem thlafam vangkhua chan nan, Ka tuar thiam lo, ka tan a na lua e. Aw, ka lenrual leh chinlai unau zawngte u, Min ngai thiam ve u, fam ngai ka tah hi; Siamtu'n hringnun karah hmangaihna a lo duan ngei chu tawng ve in, Ka ngai bang thei lo, ka chun fam chang hnu kha, Hun liam tawh hnu ka dawn kir thin a, I ankanem damdiai leh sakhmel hlim te; Mitthlaan a i cham i hlui thei lo, Vawi khat chauh tal tawn leh ka nuam mang e, Mahse maw, hrilh ka hai ka riang thlawn e. I hraileng zawng leh zuapa thinlai a dam thei lo, I tel lo chuan engtin nge damchhung ni kan chhiar ve tak ang le? Ka lei hringnun hian ngaihthiam har ka ti, Koh ni awm tawh lo tur he khawvelah. Famrolungmual i liam ni khan e, Then leh rual, unau zawng te lo pungkhawmin; An thlah mawi hluan che kan phu loh vin, Chawimawina an hlan che lo chhang ve la, I hrai riangten kan chhang thiam mawlh si lo. Fam ngai mangang te hnemtu Lalpa, Ka mangang rum au aw hi min lo chhang la; I remruat hringmi chunga thleng thin, Thihnate tuar thiam turin min pui la, Malsawmna hnarah lo chan tir ang che.