Ka hmangaih Zoram

Phuahtu: Ellish H. Pachuau Satu: Mabiaki Pachuau Ka hmangaih Zoram, i na lua e, na lua e, Tinkim dâwn hian lung rêng a awi mawlh lo ve; Awi maw! Kan lênna, kan lênna, lung rualna tláng liai luai. Awi maw! Tláng liai luai , a tláng liai luai , a tláng liai luai, Tinkim dáwn hian lung rêng a awi mawlh lo ve; Awi maw! Kan lênna, kan lênna, lung rualna tláng liai luai. Lenrual zawng te u, han dáwn chiang teh, dáwn chiang teh, I ram hi chhantu ngaiin a rûm mêk e; Awi maw! Nun suar ang, nun suar ang chim, a kal her luai luai. Awi maw! Her luai luai, a her luai luai, a her luai luai, I ram hi chhantu ngaiin a rûm mêk e; Awi maw! Nun suar ang, nun suar ang chim, a kal her luai luai. Nang leh kei hian, siam that mawh kan phur, mawh kan phur, Tho la, ding rawh le, i ram siamtha tùr hian; Awi maw! I siam that, i siamthat nghâkin a rûm mêk e. Awi maw rûm mêk e, a rûm mêk e, a rûm mêk e, Tho la, ding rawh le, i ram siamtha tùr hian; Awi maw! I siam that, i siamthat nghâkin a rûm mêk e. Zoram, Siamtu hmaah kir leh la, kir leh la, Chutin kan ram hi ram nuam a chang leh ang; Awi maw ram nuamah, ram nuamah a la chang leh ngei ang. Awi maw chang leh ang, a chang leh ang, a chang leh ang, Chutin kan ram hi ram nuam a chang leh ang; Awi maw ram nuamah, ram nuamah a la chang leh ngei ang.