Ka la hmangaih ber che

Phuahtu: Lalchamliana (Mavala), Saitual Satu: H Vanlalhlana, Thangromawia Thomte Duh leng ka tawn zawng zingah chuan ka la hmangaih ber che, I chun leh zua zawng hrang lo se kan innei mai tur a; I chun leh zua mai bakah i lenrual lungduh te'n, Ka tahna tur biahthu an hlan zel che. Aw, ka duhlai Mapui, ka lo zuam sual che a ni, 'In lo sang lua' tih hi ka dawn ngai lo; Min ngaidam hram ang che. A pawi em mai kan intawng hi nghilh ni i awm si lo, Tiang leh maia inthen tur chuan lo intawng lo ila; Rairah vanga min hnawl hi ka lo ring chhin ngai lo, Min ngaidam rawh, ka phu lo che a ni. Karah hmelma leng tur dawna suihlung ka phan vangin, Then loh thu rinawm tiam tura biahthu ka hlan che khan; Rinawm tea awm tura biahthu i hlan val hi, I hai ta maw, raltiang min kai san ta.