Ka lung a leng mang e

Satu: CFL Hmingthanga Ka hril nang che ami leng zingah, Ka suihlunglen a nem ve mahna; Chung Khuanu ruat loh di tawnah, Ka hmangaihna ka lo hlan ta si, Hmatiang hun dawn lo te'n, A pawi ngei e maw, a pawi thin mang e. Aw, min dawn ve thin ang che maw, Nang nena suihlung kan rual lai ni; Hmangaihna biahthu kan hril dun lai te kha, Mahriak awmkhawhar zual a, Ka dawn kir chang hian ka lung a leng mang e. Khuangruahpui a lo sur chang ni te hian, Ka ngai zual mang e suihlung kan rual lai ni; Kum kha leh chena sul ang ka lo zui thin, Hun leh ni her hian a liam pui chuang lo, Sakhmelmawite, suihlung her mai lo la. Ka tawnmang lamah in run lam haw tur, Ka lo tawng che a, in lamtluang phei diaia'n; "Dam te'n awm zel che maw?" tiin ka lo zawt che, Mahse, i sakhmel chhim thli iang lo hrang e, Anka nem te'n min chhang ve ta si lo.