Ka lungawina Isua

Phuahtu: Rualthankhuma Chhakchhuak Satu: Temi Sailo Khawvel nawmchennate hi ka dawn thin a, Belhchian dawl zo reng an awm si lo; Reilote hlimna zawng min thlen ve thin a, Lungawina zawng ka hmu chuang lo. Eng chu nge lungawina nita ang le? Kei ka lungawina chu Lal Isua chauh a ni; Lungawina famkin dang ka hmu si lo, Lal Isua chauh ka lungawina a ni. Zu leh sa nulat tlangvalna kawngah te pawh, Kei lungmawl chuan lungawina ka hmu lo; Sum leh pai hausakna leh ropuina ten, Ka lungawina an tling zo chuang lo. Hmingthanna, dam hriselna te pawh ka han dawnin, Siamtu min nghilh tir tu an chang thin; Thiamna sang, induhsakna leh chakkhai tinreng ten, Ka lungawina an ti famkim chuang lo. Nang enge i lungawina tiin zawt ta che ila, Khawvela mi hi nge van Lal fapa? Kei chu khawvel lam chu ka hlawhchham der a ni, Lungawina famkim chu ka zawng si a.