Ka lungchhia hi man pek kha hriain

Ka lungchhia hi man pek kha hriain, Hlim takin a lo lawm fo thin; Pathian thupek mawi leh a hmuhin, Mi sual chhandam a hmuh pawhin, Nunna petu chu an tithi a, Thawhlehna ropui chu an phum, Chatuanin remna a lo ni a, Chungnung berin mihring a hum. Kalvari tlangah a lo tuar a, Mi sualte kara a awm khan; Sawisatu thate a tichak a, Amah thing lera khenbeh nan; Mi sualte leiba a pek laia, A Pa thupek a tihmawi khan; Pathian felna a lo eng mawi a, Khawngaih remnaah ka lo thiam. Lalber leh Remtu ruang an phumin, Ka thla, chu mi chu ngaihtuah la; Amahah leilung a her laiin, Leilungah amah an zalh a; Angel- ho fak ber a inngaitlawm, Boral tawh fate chhandam nan; Tunah hian mawi leh berin a awm, Lei mi zawng zawngin fak ila.