Ka ngaih ram eng mawi nuam

Phuahtu: K Lalthanzama Satu: Durtlang Trio Ka ngaih ram eng mawi nuam tak mai chu, Chatuan lili parin a bawm; A laiah nunna tui a luang cham del e, Thisen zarah ka chan ve ram chu. Kalv'ri tui nung ka dawnpui te leh, Nunna thingpar ka Lalpa duh tak nen; A hmangaih tuipui zauvah kan cheng za ang, Suala lungngaih mittui a hul ang. Ka ngaih ram eng mawi nuam tak mai chu, Ka thlirin lawmin ka khat thin; Ka lei kum te hrehawmin tuam vel mahse, Ka neih ramhlun ka tlantu lenna. Thihna rapthlak thisen hlu zarah, Lalpan a buatsaih ramah chuan; Ka chawl ang nunna thing parvul chu tlanin, Ka lei hringnun pawh hi ral mahse.