Ka nunna hian Lalpa a ngai

Phuahtu: R Lalramhluna Satu: K Zonunmawii Ka nunna hian Lalpa a ngai, Min hnaih r'u titu ka hnaih a che; I hmaah thingthia kunin, I kutphah ropuiah sual simin ka rawn inhlawn e. Krista zarah nun thar ka lo chang ta, Haleluia, Amen, chhandam ka lo ni ta e; Aw ka Lal, ka fak ning lo'ng che, Chatuan nun min petu ka fak zel ang che. Khawvel rosum leh pai zawng te hian, Ka Pa hnen min hruai thleng thei si lo; He rosum leh pai zawng te aiin, Nang ka thlang ber che, ka engkim i ni. Ka Lal i ni, ka fak zel ang che, Chawimawi tlak, fak tlak Pathian i ni si; Nang ka hnenah i awm reng si, I talhtum leh i tiangin min thlamuan thin.