Ka tah khua

Phuahtu: Lalrinsiami Colney Satu: K Vanlallawmi Mahriak tea tinkim dawnin, A riang thinlai a dam thei lo; Nghilh thei reng hian ka mawi lo che, Eng vang kher nge fam min chan san le? I rau thla tal rawn tir ta che, Hrilhhai rairah min hnem ang; Ka riang lua e lenrual zawng zingah, Awmhar ka tah khua a sei thlawn e. Ngaih lai bang thei hian ka mawi lo, A na lua e tuarthiam a har; I hlimthla mai maw kan chan hi? Chan tawk lungawi a har lua ka ti. Eng vang nge maw Khuanu reng hian, A lo ruat mai le famchan hi? Suihlung ruala lengza thin te, Inthen leh tura min lo duan ni? Nunhlui ngaia tlai ni len zawng, Awmkhua a har ka tuar zo lo; Nghilh ni reng i awm dawn si lo, Lal Lunghnem ka ngai che, min awm rawh.