Ka thamral mai awm e

Phuahtu: K Rammawia Duhluat vangin valrianga'n ka fiam sual che, I anka nem tui ang dawn tawh laiin; I sakhmel ka tawn leh thinlai a zing riai, Ka thinlai lungmawl vang mai a lo ni. Aw, a na i zuna uai, Min han dawn ve la rairah riang hi; Thalbawm romei zing ririai karah, parte, Ariang kei hi ka thamral mai awm e. Tin, kan inkara zaleng zawng te hnawlin, Suihlungrual tea kan len dun phawt chuan; Nangin tlei dangah khiang min awihsan lo la, Thlafam chan hun thlengin i leng dun ang aw. I din thar leh zel ang aw, hmangaihna hi, Tun atang hian hrualhrui ang lo sei se; Chung Pathian, Lalpa'n min hualhim zel rawh se, Kumtluangin hlim takin i leng dun ang aw.