Ka tling ve mai lo maw?

Satu: Lalrindiki Khiangte (Daduhi) Duhlai lungrun, i tawnah, Ka dawn lungruk ka hlan che; Lungphang tea ka dawn khawl, Engtin lo ngai che maw? Duhthuleng mai ka sam a, Nang nen lungrual te'n runhmunah; Len dun theih se, aw, ka duhlai, Lunglawm a kim ngei ang. I dawn lungruk min hrilh la, I zun ngai hian ka nghak che; Leng dang chhai khua tlai hma hian, Min hrilh ve nghal mai rawh. Mahse, lungrun, hmangaihna, Tui ang luang ral mai tura; Ka phal thei lo, i duh lai, Ka tling ve mai lo maw.