Ka vei reng thin

Satu: C Vanlalzuia Tur ni pui thangvan zawl a her lai leh,Zan tiang chhawrthlapui leh siar zawng pawn;An khum zo reng hian, aw, ka ring ngai lo,Thinlaiah ka vei, aw, ka nghilh loh di. Ka vei reng thin che,Lairila'n i sakhming mawi a cham reng;Leng dang zawng te chu,Sira hnawlin i tan chauh ka nung reng e. Par tin thang zawng leh fur khawthiang dam duai,Hram thiam va leng zai rem thiam zawng te hian;Ka thinlaia par mawi khum zo ang maw?Hmangaihna daifim luan ka par rimtui. Leng dang tawna vul tura dawn changin,Thinlaina hian luaithli ka nul thin a;Mahse, i anka nem ka dawn changin,Lungngaih chhumpui zing, aw, a kiang leh thin.