Kan Chatuan Pa lenna runah

Kan Chatuan Pa lenna runah, Van mipuite inkhawmin; He thu ropui an zawt vel a, Khawpui chhung hmun tina mi. “Tu nge lehkhabu hi hawnga, A chhinchhiahna phelh tlak awm le?” Tiin an han zawt vel chiam a, Tu man an chh^ng thei lo ve. Van mipui chhiar sen loh zingah, Pakhat tal in awm lo’m ni? Ngai teh, Davida bulpui khan, A hneh ta ropui takin. An lawm hla thawm thangkhawk riin, Van khawpui a nghawr nghing ta a; Van angel-ten thla an khawng ri, Khawpui chhung an hual vel a. Pathian thuruk eng ropui chu, A puak darh lei thim zingah; Bethlehem tlang a rawn en a, A zau zel hnam tin zingah. Ngai teh, van mi chhiar sen lohte, An thawm ri chu a va mawi em! “Chungnung berah ropui rawh se, Lei chungah rem leng rawh se.” I lawm ang u, van Lal ropui, Lal Imanuela kha; Khawvel a hmangaih avanga, Lei sual thima vakvaiin. Khawvel tan a nun a pe ta, Tunah vanah ro a rel ta; Khita kan han inkhawm hunin, A hmel ropui kan hmu ang.