Kan hneh ngei dawn (C Lalruatkima phuah)

Phuahtu: C Lalruatkima (C-a) Satu: C Lalruatkima (C-a), Angaihtei Ringtu zawngte i kal zel ang u, Chhanchhuah ngai an tam si; Lalpa chakna rinchhan zelin, Sual doral lian i bei zel ang aw. Sual phuar mekte chhanchhuak turin, Hun tlemte kan la nei; Nang leh kei hi Lalpa'n min sawm, Chhanchhuahna hna thawk zel turin. Kan zam dawn lo kan hneh ngei dawn, Lalpa chakna ringin; I zam lo'ng aw, i bei zel ang, Sual hneh turin Lalpa'n min veng reng si. Lalpa lo kal leh ni a hnai ta, Hun hnuhnung a ni ta; Indona leh thihna thuthang te, Ram tin, kil tin a nghawr nghing ta si. Sual phuar mek te Kanan an kai nan, I bei zel ang sual ral lian; Kan zam dawn lo chhantu kan nei si, A thihna kraws hnehna a ni. Khawngaih rawngbawlna hna min pek hi, Kan thawk zel dawn rinawmin; Nekchep leh dodalna karah pawh, Kan puang zel dawn chanchintha hi.