Kan khua

Daifim a far e zingkarah chuan, sirva an hram e, Nilum a lo chhuak hringmi kan lawm e; Thawhrimna a kiang, enghelh bansanin, Nilum kan ai za e Pawltlak thlaah hian. Aizawl nge Pangzawlah, Lunglei nge Lungdaiah? Rualalungah nge Champhai zawk? Krismas i hman dawn min hrilh rawh, Kan khuaah lenrualte nen Mas lawm turin kan fuan e Perhkhuang remin kan zai e, U-A-MA kan sa e, Kan lawm e, kan nghahhlelh damte'n Krismas kan hmang e, Sikri aiin kan zai e, U-A-MA kan sa e. Thlir nin a har ngei siamtu kutchhuak, Tiauchhum bawm mawitu theih se chen ka nuam; Tlangsam an par e, kawngsir an mawi e, par dang an ngai lo, Hlimin an nghak za e Lalpian hun lo thleng. Siaha nge Saitualah? Haulawng nge Lawngtlaiah? Chhipphir lamah nge Serchhip zawk? Krismas i hman dawn min hrilh rawh, Kan khuaah lenrualte nen Mas lawm turin kan fuan e, Perhkhuang remin kan zai e, U-A-MA kan sa e, Kan lawm e, kan nghahhlelh damte'n Krismas kan hmang e, Sikri aiin kan zai e, U-A-MA kan sa e. Tlaini her mek saw thlir liam ang aw, Tuahthing lo fawm la, meipui chhep ang aw; Kawl tawp a sen mawi, khuavel a mawi ngei, Nungchate'n zan mu chhin zai an rel ta e, haw zai rel ang le. Kan khuaah lenrualte nen Mas lawm turin kan fuan e Perhkhuang remin kan zai e, U-A-MA kan sa e; Kan lawm e, kan nghahhlelh damte'n Krismas kan hmang e, Sikri aiin kan zai e, U-A-MA kan sa e.