Kan nghah kumthar

Kumsul lo veiin leng zawngte lunglawman, A lo herchhuak leh ta kumthar duhawm; Romei zamten tlangtin chuanin, Kumthar duhawm chibai an buk. Damlai aliama thatlainite hian, A herchhuah pui hun lawmawm chu; Beiseina thar nen par ang lawmin, Duhsakna i hlan ve ang aw. A rel thiam ngei Khuanun hringmi leng tan, Perhkhuang zaitin remthiam chawia fak hla sain; I lo lawm ang u kan nghah kumthar, Mitin tana chanchintha thlentu tur chu. Kawlchhuakin bawhar zaitin thiamte pawh, Fak zai rel zartin bel chung zelin; Kumthar kawl eng, aw, duhsakna nen, Thlir zai rel khuatin an chuan e. Kan thatlai aliam, panlai te pawn, An hai bik lo hun lawmawm chu; Zaleng tana rel Siamtu ngai chung zelin, Thatlai ni i chen ang aw, Hringmi leng zawngte tan hian, aw kumthar.