Kawng tluanin Isua ka zui zel ang

Phuahtu: C. Saikhuma Satu: C. Luri, John Mapuia Ralte Kawng tluanin Isua ka zui zel ang, Min hmangaihtu a ni si a; Ka chhandamtua ka pawm avangin, Kawng tluanin Isua ka zui zel ang. Kawng tluanin Isua ka zui zel ang, Vân ramah min hruai thleng dawn ka hria a; Ropuina nen a lo kal leh hun chuan, Chatuanin a hnenah ka chawl ang. Kawng tluanin Isua ka zui zel ang, Harsatna thlipui tleh mahse; A chakna thahrui ka vuan tlat ang a, Ka sualna kalsanin ka zui ang. Kawng tluanin Isua ka zui zel ang, Thlarau Thianghlimin min hruai a; Min tithianghlimin a nun chang vein, Vân ramah tihropui ka ni ang.