Khawvel lungngaihna leh Hrehawm tuar mah ila

Khawvel lungngaihna leh, Hrehawm tuar mah ila; Aw, ka thlir ang ram nuam, Jerusalem thar khi. Angel varte zawng leh, Chhandamtu tual lenna; Aw, ka thlir ang ram nuam, Jerusalem thar khi. Lal Isua thisena, Tlansate zawng zawng nen; Nakinah chu rama, Intawh khawm ka nghakhlel. Chu khawpui tual nuam a, Angel varte zawng nen; Van kawtthler fang rual a, Lawma kan leng tur chu. I ram ni tla seng lo, Angel varte awmna; Tah chuan khawvel lungngaih, Puan ang a chul tawh ang. Lungngaihna a awm lo'ng, Tahna a awm tawh lo'ng; Hmangaih Lalpa khawpui, Siam Salem thar nuamah. Thil hluite an ral ta, Ngai teh, an thar leh ta; Khawvel hrehawmna leh, Buaina a awm tawh lo. Chutih hunah chuanin, Kan lawm hla kan reng ang; Beram No Lal Isua, Tlantu ropui fakin.