Krista rawn pan la bo rei duh lovin

Phuahtu: F.J Crosby Lettu: Rev. Lianhmingthanga Satu: Fakzairi Krista rawn pan la, bo rei duh lovin, Lalpa aw nem chuan a ko che, ngai teh; Chhandam tur leh tihfaia'n a zawng che, Rawn pan thuai ang che, bo rei tawh lovin. A hmangaihna aw nem chuan a ko che, Krista Isua aw nem ngaithla teh; A hmangaihna aw nem chuan a ko che, A hnen pan thuai atan a sawn che. Kum tam tak chhungin bosan tawh mah la, A la nghak reng che, engah nge i muan? A thisena tlan sa i ni alawm, A khawngaihzia che sawi sen a ni lo. A zahngaihna mak thuchah ngaithla la, Sual nei lo chuan i sual zawng a phur ta; Ngaihdamna famkim, chatuana nunna, A rawn hlan ta che, a tlanna zarah. Chatuana nunna kawng chu rawn zawh la, Lo lut rawh, beram kawngkhar takah chuan; Berampu tha nunnem chuan a ko che, Lut rawh, chatuana bo tawh lo turin.