Kumtluang a rei lo

Phuahtu: Lalbiakhnaia (Champhai Venglai) Satu: Thangromawia Thomte Enga'n nge Khuanu hian nang di tura min duan le? A pawi em mai! nang kher enga'n nge ka lo tawn che? Hmangaihna sut let thei hian kei zawng ka mawi si lo, A cham reng thinlaia'n i zunzam zawlaidi nen. "Kumtluang atan" tiin then loh biahthu inhlanin, Eng dang reng dawn lo vin sakruang kan inpawm a; Mahse, leng dang tawnah khuandimin i liam ta si, I tan hian e, Parte, kumtluang avan rei lo em. Nang thei aia na hi ka tawng lo'ng hringchan chhungin, Thinlai avai riakmaw sirva leng iangin; A rem ve mai lo'm ni lam ang lo let leh hi, Ka nun, ka theihna zawng i tan chauh ka hlan tawh si. Ka zuam lo, ka zuam mawlh lo, kumtluanga nang then chu, Ka hmangaih che asin ka nunna zawng zawng hian; Ka thisen zungzam ngei min fan chhuak i zunzamin, Ka nghilh lo'ng che Parte, hringmi leng ka chan chhung hian.