Kumtluang ro a'n ka ti

Phuahtu: T Bualchhuaka Satu: H.D Lalthanpari Awmkhawhar niin tuahrem lai chhung ka hawng, Tahchuan maw, di fam chang hnu hlimthla leh; Pialleia tham tawh hnu nun hlui ka chhar chhuak e. Aw, ka pawm vawng vawng mai teh na'ng e aw, I hlimthla leh thaikawi biahthu mi hlan zawngte; Ka vawng reng nang e aw, Kumtluang ro a'n ka ti. Chungkhua lo ri thlang kawl hmar a hnim e. Thlangah mau-rua an lo tuai thar leh tawh asin; Kan nun hlui zawng te maw! Hnutiang min chhawn tawh si. I rual duhte sakhmel ka tawn chang hian, Hrilh ka va hai e aw, tinkim ka dawn hian maw; Tlang rel dawn lo hian maw ṭah ruai ruai ka nuam e. Zatlang lawi ang kan va thang thui dawn em! Tlangin min sel lo u, ka tuar thiam lo a ni, Ka tan fam zun ngaih hi a zual bik ta em ni? Duhaisam hian sam luat a awm lo e. Thlafam vangkawpuiah ar ang lawi tawh mah la, Tawnmang lungmawlah tal, dar ang tawn ka nuam che.