Lalpa a tha

Hlauhna leh lungngaihna ten ka nun min chim lai leh, Buaina leh mangannate lo thleng thin mahsela; Heng hian min hrilh nawn thin hun harsaah pawh min awmpui, Min chelh reng thin, min thlahthlam lo Lalpan. Engkim hian min hmangaih zia min hrilh nawn thin, Hun harsa pawh tawk thin mah ila; A remruat ril ropui zia an puang thin hun thim ber pawn, A tawpah chuan Lalpa a tha tih kan fiah nawn leh thin. Ka dinhmun ka ngaihtuahin vanduai bika in hriain, Dam pawh thlakhlel lohna leh nun beidawnga rum lai pawn; Hmangaihtu Lalpa erawh ka lakah a beidawng ngai lo, Min thlahthlam lo, a hmangaih hi min kalsan lo.