Lalpa i thlarauvin fang chhuak leh la

Lalpa, i Thlarauvin fang chhuak leh la, Lei hmun khawhar tahna ram hi; Chhandamna kulhpui chhunga leng turin, I mite hruai zel ang che. Aw, van kawngah min hruai la, Thim leh lungngaihna hnehin; Min dotu sual ral ka ngam ngei ang, Tin, i engah ka leng ang. Lalpa Thlarau kan hnenah a awm chuan, Kan hma lam thim a kiang zel ang; Khawvel buai leh hrehawmna hnuaichhiahin, Kan leng ang, i ramah khian. Lalpa Thlarau hruai loh chuan khawvel hi, Sang tam tak bona ram a ni; Bo lovin ram thianghlim min thlen ang a, Lalpa, i chakna ringin. Hrehawm zawng zawng lawmin i tuar zel ang, Chak lo, Lalpan tanpui min tiam; Tawp thlengin Thlarauvin min hruai ang a, Hmun ropui kan thlen thlengin.